#وظفني_شكراً : التنمر والمضايقة في العمل

ضع هنع هنع هنع هن
ع هنع هن
ع هن
ع هن
ع هن
ع هن
ع هن


ع هنع هن


ع هن

ع هنع هنع هن


ع هنع هن

ع هنع هنع هن


ع هن

ا كود الـHTML

ضع هنا كود الـCss

ضع هنا كود الـJavascript

ضع هنا كود الـjQuery

السلام عليكم اخواني الكرام متابعي مدونة : وظفني شكراً في كل زمان ومكان سوف اقدم لكم اليوم موضوع هام جدا وهو :

 التنمر والمضايقة في العمل 

سعيك لتحقيق و تطوير وظيفتك، بيتتطلب منك انك تكون صبور و مثابر. حتى لو بتحب اللي انت بتعمله، احيانا وظيفتك و مهامك اليومية هتزيد صعوبتها عشان تطور من مهاراتك و ادائك في الشغل. واكيد هتواجه مشاكل و صعوبات في الشغل، بس هتبقى قادر تحلها و تتعامل معاها. لكن خلي بالك، في بعض الاحيان بتظهر مشاكل مش المفروض انك تواجهها. بمعنى اخر، المشاكل ده مش من طبيعة شغلك، وده معناه ان ممكن يكون مديرك او الموظفين اللي معاك هم اللي بيسببوها وبيضايقوك. وظفني شكراً بتقدملك اكتر انواع المضايقة والتحرش اللي ممكن تتعرضلها في الشغل و ازاي ممكن تتعرف عليها، بس قبل ما نبدا في الانواع، تعالوا نشرح الاول يعني ايه مضايقة او تحرش في مكان العمل. التحرش في مكان العمل بيحصل لما موظف بيتعرض لمضايقات مستمرة من مديره او زملاؤه في مكان العمل. والمضايقات ده بتسمى كمان بالتسلط أو التنمر في مكان العمل و بتتخذ اشكال مختلفة منها: الاساءة اللفظية، وغير اللفظية، والاجتماعية، و الجسدية، و النفسية، والإذلال. وفي معظم الاحيان، مبيعرفش الموظف انه بيتعرض لاساءة، بس الاهم من كدة، انه غالبا مبيكونش عارف انه ممكن ياخد تعويض وان اللي بيهنوه ممكن يتعاقبوا وفقا للقانون. وظفني شكراً هتعرضلكم اهم انواع الاساءات او التحرش في العمل، والعلامات اللي لازم تنتبهلها، كموظف او كمدير، عشان تحمي نفسك واللي حواليك.

إساءة لفظية: 

هنا الاساءة بتيجي على شكل كلمات. وده بيتضمن مناداتك بالفاظ سيئة، او السخرية منك كموظف، او طريقة لبسك، او شغلك او حتى السخرية من شخصيتك. وبيشمل كمان نشر اشاعات عنك في مكان العمل، او انك دايما مديرك بيزعقلك قدام زمايلك، او انك بتتعرض للانتقاد و الاذلال على طول في الشغل.

إساءة غير لفظية:

النوع ده مبيحتاجش فيه الشخص المسيء انه يستخدم كلمات او قوة جسدية. لكن بيكون على شكل اشارات او حركات مهينة. ممكن كمان تكون تعبيرات وجه معينة، وبتكون معروفة في المجتمع انها مذلة، او عدوانية او مهينة و محطة.

إساءة جسدية:

بتتحقق الاساءة الجسدية عن طريق حاجتين أساسيتين: يا اما استخدام القوة الجسدية، او استخدام ادوات حادة مؤذية. ده معناه ان الشخص المسيء ممكن يكون بيضربك او بيلكمك، او بيدفعك، او بيوقعك. من ناحية تانية، ممكن يكون بيهددك او يؤذيك باستخدام مسدس او سكينة او عصا، او حتى ادوات المكتب العادية زي القلم و الدباسة. في النهاية، الشخص ده بيسببلك الم واذي.

إساءة نفسية:

الاساءة النفسية لها اثر اعمق من الأنواع التانية لانها بتأثر على ادراك الشخص و فهمه لنفسه، و احيانا بتشككه في قيمته و اهميته. وبتاثر كمان على ادائك لشغلك وجودته، لكن الاهم من كدة، انها بتأثر على حياتك الاجتماعية و الشخصية. والاساءات ده بتشمل اهانتك قدام زملائك او مديرك في الشغل، و ده بيخليك تفقد احترامك. وبتحصل كمان لما كل اللي في مكان العمل بيتآمروا عليك، و بيبعدوك عن الاجتماعات المهمة و خطوات اتخاذ القرارات المهمة في الشغل، او حتى بيمنعوك انك تنجز و تؤدي شغلك و المهام اللي عليك. وساعات مديرك بيديك مهام صغيرة و مش مهمة في الشغل، بالتالي مبتتقدمش في شغلك و لا تطور من نفسك، ومن ناحية تانية بتفقد اهميتك و فائدتك في الشغل. او ممكن يحصل العكس، بحيث انك تاخد مشاريع كبيرة ومهمة ويكون معاد تسليمهم وراء بعض، فده يسبب لك توتر و قلق ومتعرفش تنام او تاخد راحة، وده كمان يعتبر إساءة نفسية. و احيانا ممكن يهددك مديرك او زملائك انك مش هتترقى او هيقل مرتبك، لو منفذتش طلباتهم اللي ملهاش علاقة بالشغل. صحيح ان اثر الاساءة النفسية هو الاخطر، لكن صعب تحديدها لان معظم اساليبها بتكون مش واضحة و مخفية.

التحرش الجنسي:

هو الاساءة اللي بتتضمن مضايقة او اكراه من نوع جنسي. بمعنى اخر، هو اي اساءة او معاملة مهينة بيتعرضلها الموظف عشان جنسه. و التحرش بيجي على طريقتين أساسيتين:

…مقايضة (ده مقابل ده): النوع ده معناه لما الموظف بيجبر على القيام بخدمات او افعال جنسية غير مرغوبة في مقابل مكافئات في العمل. بمعنى اخر، عشان الموظف يترقى او ياخد علاوة، او اجازة، او يمسك مشاريع اهم و اكبر، ده بيعتمد على موافقته انه يقدم خدمات ذات طابع جنسي أنواعها كتير من أول تقبل الحديث السافر أو القيام بأفعال ذات طابع جنسي صريح إو إنشاء علاقة داخل او خارج المكتب.

…بيئة عمل عدائية: وهنا المدير او زملاء العمل او حتى الزبون بيقوم بإساءة جنسية للموظف. والاساءة بتسبب الاهانة و الاذلال للموظف و بتاثر على تأديته لشغله. وممكن تكون على ثلاث اشكال مختلفة:

تحرش لفظي: يعني ان المسيء بيقول نكت جنسية او بيعلق على شكل الموظف او حياته الشخصية.

تحرش غير لفظي: وده لما المسيء يعمل حركات او اشارات او تعبيرات مهينة.

تحرش جسدي: وهنا بيقوم المسيء باللمس الغير مسموح، او يسد طريق الموظف او ميحترمش مساحته الشخصية فيقرب منه.

التحرش او الاساءة في مكان العمل يعتبر من اكبر و اكتر المشاكل اهانة اللي ممكن الموظف يقابلها في مكان العمل. عشان كده مهم جدا ان الموظف ينتبه لبيئة العمل، و يكون واعي ويلاحظ التصرفات اللي بتحصل حواليه. وضروري يكون في كل شركة او مكان عمل، “قواعد سلوكية” واضحة و مكتوبة، بتحدد التعاملات و ازاي الناس تتصرف مع بعضها في بيئة العمل. ومن واجب الشركة انها تعرف كل موظفيها بالقواعد ده وتحاسب اي حد يخالفها. ومن ناحية تانية، واجب على كل موظف انه يقرا و يفهم القواعد ده، و يفهم كمان عقده مع الشركة، عشان يعرف يتعامل و يبلغ في حالة حدوث مشاكل او مخالفات.

بتواجه اي نوع من المشكلات اللي عرضناها؟ بتتصرف أو بتتصرفي ازاي؟ إحيكلنا قصصك بسرية تامة في أي وقت و وظفني شكرا هتساعدك. هتلاقينا على وظفني شكرا ، فيسبوك، تويتر

إتكلم…متخافش.

إتكلمي..متخافيش.