#وظفني_شكرا : كيف تكتب السيرة الذاتية بطريقة ذكية مع وظفني شكراُ

السلام عليكم اخواني الكرام في كل زمان ومكان اليوم سوف اقدم لكم الطريق المثلي لكتابة سيرتكم الذاتية

لما تقعد تكتب سيرتك الذاتية عشان تحملها على حسابك على اي موقع توظيف، خلي في بالك انك بترسم الانطباع الاول اللي عايز توصله لمديرك. ولو كتبت سيرتك الذاتية بطريقة صحيحة، ممكن توصل الى وظيفة احلامك. و عشان كده في ناس كتير بتحس انها معندهاش ما يكفي انها توصل وتنجح في الوظيفة المعروضة، خاصة لو كانوا حديثي التخرج. بس الناس بتنسى ان السيرة الذاتية بترسم  مسار حياتهم. بمعني اخر السيرة الذاتية مش بس الانجاز المهني.

 السيرة الذاتية بتشمل المهارات اللي اتعملتها والمؤهلات والقدرات اللي إكتسبتها وساعات كمان بتوضح اهتماماتك وهواياتك، لانها بتمثل جزء غصب عن أي حد مهم في حياتك و شخصيتك. عشان كده، وظفني شكراً بتقدم بعض الاجزاء المهمة اللي ناس كتير مبتفكرش فيها لما بيكتبوا سيرتهم الذاتية. بمعني اخر، اكتشف مع وظفني شكراً ازاي ممكن تقوي سيرتك الذاتية خاصة لو كنت حديث التخرج.

العمل التطوعي:

اي عمل قمت به يؤخذ في عين الاعتبار، حتى لو مكانش فيه عقد رسمي، او لو مكانش عندك مدير، او لو مكنتش بتاخد مرتب. لانك لو انضميت لفريق عشان تجهزوا شنط طعام للفقراء، على سبيل المثال، فده معناه انك بتعرف تشتغل في فريق. والعمل الجماعي من اهم المهارات اللي بيدور عليها المدير في فريقه، و بتبرز سيرتك الذاتية و ملفك على وظفني شكراً. وكجزء من الفريق، اكيد اتطلب منك تعمل مهمة معينة. وانهاءك للمهمة بنجاح ده يعني انك ملتزم بالعمل و بتحترم المواعيد. والتطوع كمان بيدل على انك شخص نشيط بيحب العمل ومساعدة الغير. ومن ناحية تانية، العمل التطوعي اكيد علمك مهارات جديدة او قوى من المهارات اللي عندك، زي ثقتك في نفسك، و مرونتك في التعامل مع الآخرين و مع المواقف المختلفة او المشاكل.

نصيحة وظفني شكراً ليك: مش مهم قد ايه العمل المطلوب منك كان صغير او بسيط، المهم ايه اللي اتعلمته من العمل ده، ازاي كَبَر من قدراتك، وازاي نجحت في انك تسيب اثر ايجابي. فدور في الاعمال التطوعية اللي قمت بها قبل كده،
فكر في انجازاتك والمهارات اللي اكتسبتها، و ضيفها لسيرتك الذاتية عشان تلاقي وظيفة أحلامك.

الانشطة والنوادي:

معظم حديثي التخرج كانوا أعضاء في أنشطة مختلفة في جامعاتهم، و معظم الناس دلوقتي أعضاء في نواديهم الرياضية. ده معناه انهم شاركوا في انشطة متنوعة ممكن يضيفوها للسيرة الذاتية بتاعتهم. بتختلف الأنشطة دي عن الأعمال التطوعية في ان الناس ديعندهم عضوية بينفذوا من خلالها بعض المهام، و بيتعلموا مهارات جديدة. لكن، اهم نقطة لازم تاخد بالك منها ان اي نشاط او عضوية تضيفها لسيرتك الذاتية، لازم يكون لها علاقة بالوظيفة اللي انت مقدم عليها. فمثلا لو كنت عضو في النادي الاعلامي في الجامعة، هيفيدك انك تكتب الانشطة اللي قمت بها لما تقدم على وظيفة في المجال الاعلامي. او لو كنت المدير المالي للنادي الطللابي أو أمين الخزنة، مثلا، مهم انك تكتب ده لما تقدم على وظيفة في مجال التجارة و ادارة الاعمال.

نصيحة وظفني شكراُ ليك: اكتب في سيرتك الذاتية الانشطة اللي لها علاقة بس بالوظيفة اللي انت مقدم عليها أو بتدور عليها.

الاهتمامات والهوايات:

ناس كتير بتفتكر ان كتابة الاهتمامات و الهوايات في سيرتهم الذاتية أمر بيعتبر غير مهني. بس هما بينسوا ان الاهتمامات و الهوايات بتعكس جزء اساسي في هويتهم  و شخصياتهم. الهوايات بتعبر عن مواهب الشخص، و احيانا ميوله و قدراته. اما الاهتمامات فبتعبر عن المهارات و المعرفة اللي اكتسبها الشخص. وغالبا الاهتمامات بتكون في مجالات جديدة ماهتمش بها قبل كده، ولكنه قرر فجاة انه يتعرف عليها من خلال الدراسة او التجربة. على سبيل المثال، لو شخص اهتم بمجال صياغة الشفرات و اخد دروس اونلاين، ده هيفيده في التقديم لوظيفة في شركة مختصة بتكنولوجيا المعلومات.

نصيحة وظفني شكراُ  ليك: هواياتك و اهتماماتك جزء مهم من شخصيتك، عشان كده اوعى تخجل او تشعر بعدم المهنية في انك توريهم لمديرك في الشغل أو مسؤول التوظيف في المقابلة الشخصية. لكن، افتكر دايما انك تكتب اللي لهم علاقة بالوظيفة اللي بتسعى ليها بس.

متنساش تقرا دليل وظفني شكراً لأهم 100 سؤال وإجابة: أصعب أسئلة مقابلات العمل وإجاباتها‎

الهدف المهني:

في الجزء ده بتكتب عن الهدف اللي عايز توصله. بتكتب جملة مختصرة عن عايز تشتغل ايه و فين و ازاي الوظيفة ديهتساعدك انك تحقق هدفك. الجزء ده مهم لانه بيدل على انك شخص طموح و دايما بتحاول تطور من نفسك و تسعى للاحسن.

نصيحة وظفني شكراُ ليك: اي مدير بيدور على شخص يفيد شركته و يستفيد خبرة في نفس الوقت. عشان كدة، اتاكد من انك تبين قدرتك على النجاح في الوظيفة، و طموحك في انك تحقق انجازات اكتر من المتوقع.

نصيحة تانية ليك: سيرتك الذاتية هي بطاقة التعريف اللي بتقدمك و بتعرف اي مدير عليك. عشان كدة لازم تعكس شخصيتك، وتعبر عنك. انت شخص فريد و عندك مؤهلات تميزك عن اللي حواليك، و عشان تساعد اي مدير انه يفهم ده، لازم تكون سيرتك الذاتية شبهك. خليها مهنية و منظمة، بس متستخدمش نماذج جاهزة، تضيف فيها بياناتك بس، ولكن اكتب سيرتك و صممها بنفسك ومتنساش ترفعها على وظفني شكراُ وتضيف كل اللي فيها في حسابك الشخصي.

ايه أكتر الخبرات اللي انت مريت بيها في حياتك وشايف ان المفروض تتكتب في سيرتك الذاتية وصفحتك على وظفني شكراُ؟ شاركنا تجربتك في كل مقابلات العمل التي تعرضت لها على وظفني شكراً ، فيسبوك، تويتر،